طرد الهوى

انا كل ما أضمد جروحي وأقول أشوا

تطيب وتنقض ثانيه واشتقي فيها

تولعت في طرد الهوى والهوى بلوا

كما القصه إللي خاتمتها بلاويها

حياةٍ وراها فراق يعلها تلوا

وعشره مع حرمان ويش ينبغي فيها

ألا ليت من يقدر على الصبر والسلوى

ولا يشغله زين العذاري وطاريها

ولو أونس على كبده ثلاثة عشر مكوى

يعل البراقع مالها من يسويها

يغطي ثمانٍ كنها اللول والنقوا

تبين لك أطراف الترايب وتخفيها

بُكَل وبراقع في حضارة وهم بدوا

ورقابٍ أطوال وما يقات بعوافيها

وأنا إلى مخبلني كما مهرةٍ صهوا

كما مهرةٍ ما يقبل السوم راعيها

رفيعة عموق وكل ما قدروا تسوا

تبين مواري خيرها في نواصيها

تمنيت جعل الله يوفقني المنوا

أوفق بها لعاد ماني بناسيها