الشرهة

قبل أمس كنت أحسب لبعض الوجيه حساب

واليوم راحت مشاريهـي علـى الخالـي

والله يـا لـولا يقولـون الغـلا كــذاب

لجيـب الأول مـن الأول علـى التـالـي

الصـدر مقفـل ولكـن لافتحـت البـاب

لايلومنـي عاذلـي لايلومـنـي غـالـي

فاحـت دلال الصبـر وأسبابهـا أسبـاب

وحللـت فالملزمـة لـي شـرب فنجالـي

مانيب حاجـة اضعيـف ولاقـويٍ طـاب

أنـا برجـوى العزيـز المعطـي الوالـي

حزمت حـدب الضلـوع وقلـت ياوهـاب

ياعلَن أسلـم مـن أهـل القيـل والقالـي

ويومي ركضت ووردت العد محـدٍ جـاب

ماقلطـوا شربـتـي كنيتـهـا لحـالـي

شربت ليـن ارتويـت ولاعلـي اعتـاب

وماكنت أشوف إلا انا والشمس وظلالـي

هم حولـوا بالشعيـب وحـدروا بغيـاب

واخترت أنـا بالرفيـع هنـاااااك منزالـي

وان قالوا انـا وحنـا ماضرسـت النـاب

فضلت صمتي وشفـت الصمـت أشوالـي

أحدٍ يعيـش بحياتـه بموضعيـن اعـراب

وأحدٍ يعرب حياته عقل وهبالي