احتراق

ساري.. ولي في دفتر الذكرى طعون تحتريك

تركتها.. يمكن يجي يوم وتحطم لك ضياك!!

عطّرت نفسي بالفراق وطاح (صوتي) في يديك

شف كيف حتى (صوتي) اسرف بي.. رجع يسهر معاك!

دمّي.. وحطيته على بابك.. بغى يسجد عليك

استغفر الله.. شفت كل الكون.. يسبح في فضاك!!

ياما غرستك في شراييني وهي منّك وفيك

كان الغمام.. يقودني لك.. لين يمطرني جفاك

هي صرخة عدّت على روحي وجاتك تنتهيك

وإلا عمى قلبٍ نذر: ما يحرق أيامه سواك؟!

أحلفك بالله.. يا صبحٍ على الصبح اشتكيك

هو من متى.. وأنا على باب الحنين اسقي ظماك؟!

حرمت.. ما عاد انزف انفاسي على دربٍ يجيك

حرمت لو «روحي» تذوب أف (خطوتي) ما اتبع خطاك

بي من تصاريف الألم.. تاريخ همٍ يرتديك

انساك.. وارجع انتظرني خلف عمرٍ ما نساك

كم لي وأنا واقف هنا.. انهيك وانسى وابتديك

تدري ولو صوتي معك.. تركت صوتي للهلاك!!