شجرة الإترنج!

بصدري، يا فالح، شَرْبَكْة شَجْرة الإترنج

تهدَّل وتتبَدَّل، يباسات مــشبــوكـه

مساحه ظمــاها مثل مــضمــار ثــورة زنج

بَعَض ليلةٍ ظلما... عن الصبح مصكوكه

وانا كان لي حلم، و مثبَّت بشوكة بَنج

وعذر من ندر حلمي يبي يندر الشوكه

يبيني أشوف أفضال ساداتنا الإفرنج

يقول: انبسط، رعيـّة الضاد مملوكه

بهذا الزمان اليعربي كان تقدر إنج

او اختار لك موته، من القحط مبروكه

او اسرف بوافر من دلالك لربَّة غُنْج

عجوز الهلاك، الماكره، ام باروكه

لها لسان عبري يندلق يشرح الذلَّنج

بفصل الوناسه من غدوا ناسه إضحوكه

تقول: السراب اللي شربتوا موديله لَنج

ومن لا يوافقها تبي تنفض حنوكه