بنت المطر

يا زين المشي في الروض الأخضر لا شعشع المخضار

يا زين الديرة اللي من هبوب الوسم ممطوره

يريح البال سج في الفياض الخضر والمسيار

سعادة للقلوب اللي مع السلوان مسروره

متى عيني تشوف اللي على قلبي ربيع ودار

اشاهد للسعادة في حياة المجتمع صوره

ليا هلت مزون فوقهن تنعومتين صغار

على ذيك اللباب اللي من الرضوان مغموره

رياضٍ نبتها يحميه من شمس النهار ستار

تحت فية طفافيح الطفل خوخه وبندوره

لمنها صحت في غرب المزون وشعشع النوار

وتجاهدنا سدوله والقمر متجلي نوره

اشاهد لي بروق دونها ربانها تندار

تقول اكباس غاز من وراء شلال نافوره

سبح ماهر خيالي في الخباري والبرد والنار

اشوف الجمر فوقه دلة الرسلان منحوره

هذاك المنظر اللي من تشوفه في الحياة امرار

على شوفه سبابيح الخيال تموت مقهوره

حرام اني ما هني راعي المليون.. والمليار

ولا هني عربسات الفضاء دوره ومقدوره

أعيش بعالمٍ طول المدى يبقى لها تذكار

عليه بالحرام إنها حياة ما لها جوره

هذا وجه الصحيح ولا على وجه الصحيح غبار

حقيقة ويتمعنها اللبيب بكامل شعوره