ثلاث ملامح لوجه واحد

نشر في 11-01-2008

على الغدير كانت سما..

ويرمي الضما وجهي عليه

على الغدير.. وجهي وسما..

لين ارتمى وجهك عليه..

على الغدير..

وجهي.. ووجهك والسما..

من يسبق ويملي يديه..

يشرب ملامح صاحبه..

ليت السحاب..

يظهر على المدى الباهت..

وتمر ثلاث طيور..

بين العتم والنور..

ينبت شجر.. واعشاب..

وطفل ٍيبيع زهور..

يولد..

وتتحول الاخشاب..

كرسي..

واجلس انا وياك..

قبل الظلال هناك..

في أخر الصورة..

على سلة السيف الصقيل..

يتكحل سيفين..

وينزف قتيل..

واليوم عيد.. يا اللي الجفا وصلك..

ومشغولة في كحلك..

وشلون انا بحايدك..

امرايتك سيف..

وذبحي انا.. عوايدك..

* بدر بن عبدالمحسن