العنود المستذيرة
نشر
في 28-12-2007 | 00:00
آخر
تحديث 28-12-2007 | 00:00
يمّه أذنبت ونزحت مـن العشيـره وإن تمنّو توبتـي مانيـبْ تايـب
مابي لدنيـا الغناديـر أي سيـره طايح من عام الاول في مصايـب يمّه اللي حب لـه طفلـه صغيـره وش يسوّي لا غدا فيهـا طلايـب طفلـةٍ ما كانـت بحبـي جـديـره بس كانت غير عن كـل الحبايـب كنت اسميها العنـود المستذيـره ليت أهلها العام سموهـا عجايـب كنت أجيها مثل الامطـار الغزيـره كنت أضيع بجوها مثـل الهبايـب وأدعي الله هي متى تصبح كبيـره تفهم إشلون المكان يصير ذايـب إن تغنّت تصبح الطرقـه قصيـره وان تغلّت تصبح جروحي عطايب صنتها مثل البحر لا بعـد جزيـره ما تركت علومها لاهـل الركايـب ديرة ما هـي بهـا ماهيـبْ ديـره لو ثراها عشب وأعلاها سحايـب يمّه اتحبيـن طايلـة الضفيـره؟ آآآه والله يا عليها أشقـر ذوايـب قالت إن جا الراس شايب فيه خيره قلت يا بنت الحلال الـراس شايـب قالت إلا الحب وشهو وش مصيره قلت أنا أستاهل وأنا كل السبايـب ما جزا اللي حب له طفله صغيـره غير قبر وضحكها فوقه نصايـب
