مشكلة في الناس

لا تواجههم بشي عنّك يقولونه

لا تعاملهم بشدّة دوب.. وليونه

كُوْن بين البين.. خذ حصتك من هذا وذاك

مشكلة في الناس

إن راضيتهم عادوك.. وإنْ عاديتهم طلبوا ارضاك

من كلام الناس.. ياما ناس مفتونه

حد يحطونه.. وحد قدهم يرفعونه

بس بلغ لا وين!! لي رفعوك ذلا في السماك

كلّما ذكروك.. قالوا ذبلت إغصونه

وانطفت شمسه.. وغابت عنده الغونه

كَنْ أنا لي عين.. ما شافت في الدنيا سواك

شفت فيك السحر.. لي هم ما يشوفونه

واللطافة.. والأدب.. والحب وفنونه

والجمال الزّين.. ما هو منّهم.. الله عطاك

رق رحم قلبي.. ولا تهجره وتخونه

كم على ذا القلب.. كان الله في عونه

لو معي قلبين.. بارُد منّهن واحد قداك