مساء الحب

يغني زماني في وجودك... طرب يومه

هدى... واهتدى... واستنفر العز لافراحه

أحبك... وحبك ينسج النور لهدومه

أحبك... احبك يا مسا الحب... واصباحه

بكفك ليالي الدمع من وقت... مرحومه

وبعينك عيوني... تهزم الخوف... بسلاحه!

حنانك دفا لي من شتا تبرق غيومه

وصدقك ملاذ لي بنا الصدق لاجناحه

أتوه بوله عينك... ولو كنت مهمومه

يذوب العنا كله بلحظات... في الراحة

تحب الشعر مغنى... وانا من بعض قومه

اعيش الحروف سيوف تقتل ومزاحه

تحب الشعر... يالله مضى وقتك بنومه

غرامي سكن قلبك بعد عند... واجتاحه

ابي تكتب لحبي تعابير مفهومه

يغني بها الساهر يخفف بها... اجراحه

ابي شعرك بحبي... بعيد عن السومة

شديد البها... يذهل، ابي تنعش الساحة