رميت الورد

رميت الورد...

طفيت الشمع

مضى عامين

ما مر بكلامي دمع

ولا مرّيتي بعيوني

يا انتي

اي حزن اللي تركتي لي

واي احساس

ياكل الارض

في قلبي... وكل الناس

وش اللي فيك ما ينحب

وش اللي ينكره واكره

تغيب الشمس وتشرق شمس

وبكره لو يجي بكره يصبح امس

مثل ما كان في يوم من ايامنا بكره

وترا اللي حب ما يكره

اقول اسمك وينبت للمعاني قلب

وتحضرني اغاني حب

واقول الدنيا لسّى بخير

اساميهم تجي وتروح

واسمك ما يفارقني

يجي مثل البحر

ويروح مثل الروح

انا ماخترتك احاسيسي

ولا اخترتي تحبيني

يقولون المشاعر

في سماها طيور

وانا اقول القلوب اشجار

ومن متى كان الشجر يختار

رميت الورد طفيت الشمع

مضي عامين مامر بكلامي دمع