درايش: كلام الشعر ومعناه

(البحْر أزرق والسما تعطي ألوان

ومنهو الأصل باللون؟ منهو خدعنا؟ )

( ضحك الزمرد غير عن دمع الأغصان

وفي ريحة التوليب تهنا وضعنا)

إكتب چذي من هالحچي وحط عنوان

كلام ما يُفهَم ولا فيه معنى

بس لا تلوم فلان وتقول غلطان

مهما من البوقات عنه سمعنا

أمّا الحكومه فالحكومات سلطان

لو ندخل بحور الحكومه... طبعنا

بعض المراكب بالشعر تكسر أوزان

وبعض الشعر غبّات عنها انمنعنا !

وضّاح