وجه السحاب... وشكل طين المدى حـي

وليل المدينة/ دمع/ والبـاب مكسـور

Ad

وجه البكا... جلاد/ مـع حمـوة الكـي

فيه الألم مـزروع... والجـرح منثـور

تاه المسا... ضاعت معالم سنـا الضـي

جاعت عيون... ومات في موقها النـور

فيك انحنيت... ومـات كـل الولـه فـيّ

وفيك انزرع/ صمتي... وفيك المدى بور

يبكي سحاب الوجد مـوت الهـوى بـي

ويسهر على أرض الليل بالهـم مقهـور

كنك رسمت أقواس/ وجهي على يـديّ

وكنه طغى فيك الجفـا/ عِنـد وغـرور

طين الغـروب... وطعنـة الليـل تبكـي

كل الملامـح/ دمعهـا/ ليـل مهجـور

رمل الجفاف اللـي طـوى دنيتـي طـي

يدفن بوجهي... صرخـة الهـم ويجـور

وجه القصيد اللـي بكـا/ ثغـر يسـري

يغفى على صوت المـدى حِلـم ويثـور

وجه المسا... تايه... وليـل الجفـا لـي

وجهك... لوجهي عِند والبـاب مكسـور