يا هوا البال ويلي منك ويلي عليك

ذاب قلبي وجسمي من امجاذب هواك

Ad

نوبه افكر واقول انك تبيني وابيك

يا حبيبي ونوبه يتضح لي جفاك

من كذا صرت ما أدري وش طاري عليك

ما فهمت ال زعلك ولا عرفت ال رضاك

اسهر الليل كله والتفاكير فيك

اتفكر بهجرك واتمنى رضاك

ليت ربٍ بلاني بالهوى يبتليك

يبتليك بهواي او بس يمحي هواك

صرت لك بالمحبة ثقل عبدٍ مليك

طايعٍ خاضعٍ مستمثلٍ ما عصاك

كل ما زاد بعدك زاد شوقي إليك

وكل ما زاد هجرك زاد عندي غلاك

أطلب الله لعله يصخرك ويهاديك

ترحم اللي حياته كلها في رجاك