اعذريني

اعذريني عن التوديع مقدر اواجه

واتركي لي رسالة حب وامضي عليها

واتركي في زوايا البيت لي أي حاجه

ريح أو منديل والا صورتك علّقيها

اتركي صورتك تذكار لين نتواجه

مستعد احتفظ فيها واحافظ عليها

وسط برواز وانسج من ضلوعي زجاجه

او بعيني اخبيها واغمض عليها

مثل ما اسمح لطيفك لين ثبت سياجه

اعملي لي بفكرك صورة وانسجيها

كل شخص بمقدوره يقرر مزاجه

بس انا مهجتي يا مهجتي تملكيها

من فراقك مرض قلبي تعذر علاجه

يعلم الله صراحة والصراحة افهميها

بس قبل السفر اهدي الي أي حاجة

واتركي لي رسالة حب وامضي عليها