على هامش حكايات خفيه سهرت الليل وعيوني شقيه على سيف البحر والموج هادي ذكرت وهاجت الذكرى عليه افكّر في هموم (ن) حيرتني هموم (ن) حـلّـها يصعب عليه ظروفي والظروف أهم حاجه وكل (ن) له ظروف (ن) داخليه على ذكراه احسب أن يومي امسي والى لدّيت لين الشمس حيّه ومن سهر الليالي مثل حالي لـزوم يصير لـه مـاصـار ليه ما بين الطيف وعلوم (ن) توارت لهـا بالنفـس حـبّ ومقدريه اعرف أنها مضت من غير رجعه وادور لي حلول (ن) منطقيه مادام الياس جدواه التناسي حـرام اصيــر للذكرى ضحيه لكن المشكلة ثارت شجوني وتأثيراتهـا كـانــت قـويه بعد هـذا وهـذا يـا حياتي عرفت اشلون تفسير الـقـضيـه عرفت أنـي حصاة لـو تعلا تـرجـعـهـا للأرض الجاذبـيـه أنا مفتون فيك بكل معنى تحمله كل كلمه عاطفـيـه محيطات المحبه كل أبوها عبرناها ولا نخـشى المنيـه بحور (ن) موجها يضفي علينا بغرقات الهوى الرومـانسيه عبرناها برغبه وانطلاقه على الرغم أن سباحتنا رديـه
توابل - الرواق
هامش حكايات
13-06-2008