متى الجيه؟

حبيبي وكُل من ليا

رسمت اسمك

على اشفاف الحلم

أنفاس بردانه

واخاف آنا

قبل جيتك

أموت... ارحل

وإذا رديت...

تكون ابطيت في الجيه

من البارح وانا اتريا

تدري اشطول هـ البارح؟

زمن جارح

لا انتَ جيت

ولا اعيوني

تلاقي ضي صبحيه

وتانيتك... مع بعضي

ورمضا الشوق تحرقني

وكلي بالوجع مشبوب

مع انه جالس ابـ فيه

روحي باليتم تاهت

وحيدة وحضنها طيفك

يسليها... يداريها

وانت بعيد... وآنا بعيد

كأني طفله منفيه

تصور كيف... أنا وحدي

وكلي واقفٍ ضدي

يحرضني على النسيان

ولا أنساك

أخاف اني... أنام... أصحى

ألاقيني على بعدك

أنا اللي صرت منسيه

اشكثر حنيت لـ عيونك

سؤالك عني اشلونك

واذا كان البحر عينك

أصيرٍ آنا حوريه

حبيبي لو حلم مرني

بعثرني...

إذا م تريد تجمعني

أريد أدفى بأنفاسك

أريد اذوب بـ إحساسك

أريد اشعر بـ حنيه

تعبت اسأل... متى الجيه؟

أريد المني وارتاح

متى تتلاقى هـ الأرواح

ترى حلمي بدا يذبل

واذا اغيابك علي طول

أخافٍ يختنق ويموت

ما بين الروحه والجيه.