عصفور الوجع

عاد عصفور الوجع في البـال شـادي

شدو حزن... وشدو هم... وشدو حيره

آآآه يا حزنـي... ويا لوعـة فــؤادي

غبتـي يا يمّـه بـلا نظـره أخـيـره

كنت أحبك حب ما هـو حـب عـادي

حـب يجعـل كـل هالدنيـا أسيـره

كنـت يمّـه كلمـا ضاقـت أنــادي

باسمك... وتفرج وهي صعبه عسيـره

كنتـي يا يمّـه عنـاويـن امـتـدادي

وكنت أعيشك في التفاصيل الصغيـره

كنتـي يمّـه ذاكـرة شربـي وزادي

وكانت أحلامي تحـت ظلـك كثيـره

كان عطفـك بسملـة نفحـة فـؤادي

وكان حضنك ديرتي مـن غيـر ديـره

لين أخذك الموت واستبشـر سـوادي

وانكسرت وجرحي أبشع من مصيـره

ما بقى فـي نظرتـي موقـف حيـادي

بعد غبتـي، وانتهيـت بـدون سيـره