ولهان ومسيّر

كذاب لو قلت لـك: أقـدر علـى بعـدك

وحبل الكذب يـا حبيبـي دايـم قصيّـر

أمر بيتك... وأغنـي مـن كثـر شوقـي

«واقف على بابكـم ولهـان ومسيّـر»

أقـول يمكـن تمـر صدفـة وتلمحنـي

ويرق لـي قلبـك اللـي خابـره خيّـر

ملامحي فـي غيابـك تكسـر الخاطـر

حزين، مكسور، ذايـب قلـب، متحيّـر

ادري بأنـي غلطـت كثيـر فـي حقـك

لكـن قلبـك كبيـر وذنـبـي صغـيّـر

حدتنـي ظـروف وقتـي ابتعـد عنـك

لكـن قلبـي حشـى ماهـوب متغـيّـر

ما كنت ابي تشوف حزني في وسط عيني

ولا كنت ابي تشوفني في وضـعٍ يحيّـر

اسرجت خيل الغياب وغبت عـن عينـك

وماني لهالبُعـد والهجـران متخيّـر

تكفـى طلبتـك تـرد المـاء للمجـرى

ترى ذبحني الهجر... ملعون ابو الخيّـر

وان طولـت غيبتـك عنـي... بتلقانـي

«واقف على بابكـم ولهـان ومسيّـر»

واقف على بابكم ولهان ومسيّر (مطلع اغنية مشهورة كتبها الشيخ عيسى بن راشد آل خليفة)