لو للسما يـدّ

عليك ابنساب ياشعري وحتفي...

جمهورك إليا هدوك الانهزام

تطول الايام حملي فوق كتفي:

حجاوي ٍ مايفسرها كــلام

ماتدري الناس عن حزني ونزفي

ياليت ماكان بعض البوح هـام

عطيت الاحلام نصفي، جيت نصفي

لقيته اعطاني اضغـاث المنام!!

ياموتة النور، عطفي، ليه عطفي

رماني ابـ دربك / افـ وجه الملام؟!

لو للسما يـدّ، قلت: وحان قطفي..

من دون ماضي ولا ايّ اتّهـام

ارسم على اجراحي البسمه وكفّي...

بارد من اسبـاب تهميش السلام!

من عام ياصاحبي اركض ومقفي

عن وحدتي خَصْ في وسط الزحام

لاجيت ابنسى، نسيت انسى وحرفي:

هارب ورى النور يطـْردْه الظــلام

والدار من يزفر الشبّـاك عصفي

جدرانها اتصيح: ياْعيال الحرام!!

... خلـّوه يشعل سراج ٍ بيّ مطفي

قبل يتغـانم (بقـايـاي) العســـام.

وانا اعرف اني ليا من قلت منفي

بكون جـاهل... طريقـه للعـدام

لكنـّي آآقولها وان كان خلفي

تجلدني الناس بسيـاط الكــلام:

والله... راضي على جهلي وعِـرفي

خلوني آآمووت واحيـا في سـلام