يا بومشعل تنتهي الدنيا بلاش
وما بَنَينا.... ينتهي بْلَمس الفراشه
ما لنا بالناس والدنيا معاش
كلّنا أفلام معروضه ب شاشه
كم لعَبْنا وكم ضحَكْنا بالطشاش
يوم بلّلْنا المطر نازل طشاشه
ويوم كنّا نعطي الدنيا طَنَاش
كل واحد عايش الأيام باشا
طاح بالمركاض من يفداه لاش
القوي فينا الذي محزوم جاشه
كان فينا - والعقل إن يوم طاش-
كف عاقل هاديه دون ارتعاشه
وكان روح الروح يعطينا انتعاش
وما يبيّن أي ألم في يوم عاشه
يا بومشعل راحت الدنيا بلاش
والأماني ذايبه بْلَمْس الفراشه!