الباب «للداخل» دوا كل الجروح
والباب «للخارج» خَطَر أو بَعْثَره
والباب لمّا تفتحه يمكن يبوح
ولو تقفله يعني: حكايا مْدَثَّره
والباب وإن حَس بألم، قلبه سموح
لكن يهرِّب من كلامك أكثره
الباب في الصوبين ما يعطي وضوح
معناه غامض، له عيون مْسَكَّره
وإذا تركته مشرَّعٍ لحظة جنوح
اللي دِفَنْتَه في ايدينك... يحْفره!
من بعْد هذا الباب... رغبات وجموح
وما دون هذا... لك حياة ميَسَّره
فكِّر... قبل ما تختنق في الباب روح
واعلَم ترى للباب روح مْقدَّره