«شيخة نسا» بين الحريم المزايين
وإلّا أميره من بنات الإماره
عذروبها «البرقع» حجَبْها عن العين
وما كان داعي تحتجِب في ستاره!
ذاك الجمال اللي انطروه الملايين
وشافوا على الشاشات «نقْص العباره»!
عقب الفطور وأكثر الناس صافين
وبعد الدعايه... وناطرين الإشاره
في وجه «ريم» صْيامنا زين في زين
تمرة حسا تكفي فطور الفقارى
لكنها كانت ترد المساكين
ما فرّحتنا ب «وجه» مثل المناره
مثل البخيل وما عَرَف كفّه اللين
اللي يغبّي كنز وسْط المغاره!
يا «ريم» روحي وإلعبي بالموازين
ما دام في وجهك جمال وإثاره!
* مسلسل سعودي رمضاني يعرض حالياً على قناة MBC1 من بطولة الفنانة الرائعة/ ريم عبدالله