استثمر الوقت في الساعه وعقاربها
وإلّا كأنّك بكفّك شايلٍ عقرب
لو «بالتأّني السلامه» ما نحاربها
بس «بالتأّني الندامه» وللفشل أقرب
إن كان قصدك تبي تجدّد تجاربها
ما ينفع تحط هالتأجيل لك مهرَب
وإن كنت ناوي تبي تحقّق مآربها
عد الثواني الغريبه فالزمن أغرب
«الوقت كالسيف» لو مسْرِع وضاربها
لكنّه يوم انثلم ما عاد لك مضرَب
لا تترك احبالها من فوق غاربها
مثل القعود الهمل قبل الزمل يشرب