بعدين نعْرِف وين كنّا؟ شنو صار؟
وأحداث تجري الحين واللي نعانيه
أحيان بالحاضر غشاوه بالأبصار
وإذا ابْتَعَدْت شوي تكشف معانيه
إللي قريب... يصير من دونه استار
واللي بعيد... تشوف مجْمَل بلاويه
لوحة رسِم من حولها ثاير غبار
وإذا هدا... تفهم معاني الرسم فيه
و«أحجار بالشطرنج»* ما بين الأقطار
طافت علينا اسنين من دون تنبيه
* «أحجار على رقعة الشطرنج» كتاب مثير صدر عام 1955 للكندي وليم جاي كار يفترض دوراً للمنظمات السرية العالمية في تشكيل نظام عالمي جديد يعمل على صناعة الحروب والمؤامرات