مالي شغل باللي حصل في ديارك
ومالي سهَم باللي جرى من المضرّه
وإن دمّروا أو بالغوا في دمارك
بالحرب ما شاركت لو ربْع ذرّه
هذا مع أني قلت اضبط مسارك
لا تنحرِف أو تنكسِر يوم جرّه
لكنك استكبرت وارهيت نارك
ترمي علينا، وبالقذايف تجرّا
عدوّنا اسرائيل هدّم جدارك
وانت الذي شايل على الجار حَرّه
اليوم يا جاري تحمّل قرارك
كثّرت عدوانك بكل المجرّه
أغبى عدو... من لا فهم للمعارك
ولا درى من ينفعه ومن يضره!
الحين إدفع ما فعلته بجارك
والحنظل اللي تكرهه ذُوق مُرّه