هذي المَرَّه ترى ناوين شي
يختلف عمّا حصَل فيك وجرى!
كل شِبِر بإيران أو شارع وحَي
يهدمونه ويندفِن تحت الثرى(1)
وإذا عَم الليل ما حسّيت ضَي
لا تقول العين ما تذوق الكرى(2)
ولا تقول: الشَعْب لا يقْلُب عَلي
ما «توقّعْت» الزمن يرجع ورا
كنت «أظن» الغيم فوق الراس فَي(3)
وكنت «أظن» الحرب هوشه واغبره!
كنت «أظن» وكنت «أظن»... وصار شي
ما «توقّعته» ولا ببالي طرى!
ما درى بالكارثه تبّاع غَي(4)
وساعة الساعه إذا صارت... درى!!
(1) الثرى: التراب
(2) الكرى: النوم أو النعاس
(3) الفَي: الظِّل
(4) الغي: الضلال والهلاك واتّباع الباطل