كلامك صح يا صاحب إذا مَبْني على النيّات
وإذا النيّات معكوسه كلامك يستحق نَفْيَه
وإذا كان الوعد عاده وعندك في الچذب عادات
تقول الشي في ضده ووراه أشياء مِخْتفيَه
ترانا الجانب الأبيض ولا نتحمَّل الحيلات
وهذي أرواحنا ملَّت من الصدمات مكتفيه
أبد ما نفهم اللونين لو تشرح عدد مرّات
ي أبيض وإلا في الأسود تشوف النفْس محْتفيَه
يا ليت أهل الكلام تعيض عن بعض الكلام اسكات
سوى من قالها ناوي هذاك تقول له: عَفْيَه