مو كَفُو تاخذ جوائز للسلام
وانت ما يوجد بَلَد منّك سَلَم!
تحْرِف القانون من غير اهتمام
والخبال يبان في راس العلَم! (1)
في «الأمم» (2) تغْلط بلا أي احترام
وتدّعي أوهام مثل اللي حَلَم
چذْبتك كالطير طاير في ظلام
يدعم الطوفه ولا حَسّ بألَم!
وين «سبْع حروب»؟! تهْذي بالكلام
دايره وطفّيتها بْجرّة قَلَم؟!
صاحب الأوهام... سلِّم يا سلام
واسأل الأحرار كم شخْص انْظَلَم!!
(1) العلَم هو الجبل، وإشارة إلى المثَل «أشهر من نار على علَم»، أي معروف وواضح
(2) منظمة الأمم المتحدة