إيّاك تسمع من مصادر «يقولون»
ما قالوا إلا زَخْرُفات وإشاعه
بعض البشر بالچذب مُغرَم ومفتون
ومن بَهَّر القصّه... يِلِذّ استماعه!
لا تندفِع كلّك، تَركَّد على هون
خلّوك في نشر السوالف إذاعه
اللي يبيعون البضاعه يغشّون
ليتك تفَحّصْت الخَلَل في البضاعه!
ما كل من خَصّك بالأخبار مضمون
قصْده - إذا خصّك- تكوِّن قناعه!
شَغِّل خلايا المُخ (لو كان مركون)
والچذب من كُبْره تبدَّد شعاعه
لو يحلفون إن السما غيم ومْزون
اطْلَع وشوف البرق وين التماعه؟!