درايش: الشوارع... مثل سياسة البلد

نشر في 16-07-2021
آخر تحديث 16-07-2021 | 00:18
 وضّاح الشوارع حفّروها من سنين

واتركوها كالفضيحه مشرّعه

ألف حفره في طريجك حافرين

وألف حاجز ما لقى من يرفعه

لليسار ندور واللفّه يمين

ما عرفنا مدخله من مطلعه!

مرّه تحْت ومرّه فوق معلّقين

هي ملاهي ألعاب بس مشلّعه

ودائري الرابع طريج ب خانتين

ولا تسأل ليش ما صار أربعه!

من يحاسب إن نسونا المهملين

واللي أهمل منهو يقدر يشلعه؟!

واعدونا والأوادم صابرين

حلم كاذب ما حصل... بس نسمعه

الشوارع كالبلد الله يعين

وين نفلح والحلول مرقّعه!

وضّاح

back to top