درايش: محلّلين انتخابات يستلمون فلوس

نشر في 02-12-2020
آخر تحديث 02-12-2020 | 00:18
 وضّاح تحليلك إللي تقوله... حِطّه ابجيبك

ويّا فلوس المرشح واحتمالاتك

ياللي تنجِّم علينا حان تكذيبك

ولا نصدِّق كلامك واتصالاتك

مرّه تصيب الخطا مرّه الخطا يصيبك

يعني ولا(صح) قلت بكل حالاتك

هواك غلّب أسامي وانكشف عيبك

خلّاك تهذي علينا من خيالاتك

ما هو عَبَث لو تعب في الهروله ذيبك

اليوم بانَت على الشاشه ضلالاتك

back to top