صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 5143

رئيس التحرير خالد هلال المطيري

درايش: غلطت مرة... لا تغلط مرة ثانية!

  • 21-09-2022

انت وضميرك والأمر منّك وفيك

إمّا «طُمان النفْس» وإلّا الكرامه

«صوتك» إذا صنته يصونك يعلّيك

وإن هان هِنْت وما تشوف السلامه

لا تعطي اللي موقفه فيه تشكيك

جرّبت غدره وفعلته وانهزامه

راجع «مرشح» بالأماني يمنّيك

إيّاك يغريك بسحابة كلامه

ما تمطر الغيمه أبد في أراضيك

ما لك سوى بروقٍ بعرض الجهامه

جرّبت لمّا دخّلك في شرابيك

ولا حصدت إلا الأسف والندامه

ذنبك على جنبك وفعلك بأياديك

و«صوتك» - مثل ما قلت - يعني «الكرامه»

وضّاح