صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 5103

رئيس التحرير خالد هلال المطيري

درايش : بس... متى تدور العجلة؟

  • 04-07-2022

لولا الحُكُم، والعَهْد، والناس الأخيار

چان انتهينا في مسالك خطيره

للدار عشّاق ومحبين وأحرار

واكبار بانوا في مواقف كبيره

وقلبٍ كما سور ارتفع حولها ودار

حاكم يحكِّم في الشدايد ضميره

يرجع إلى الدستور في كل ما صار

ويكمِّل المشوار ويّا المسيره

لكن نبي ننفض عن عزومنا غبار

والوقت ما ينطر خطاوي عثيره

نلحق على ما فاتنا بعزْم وإصرار

حيث الزمن مثل السيوف الشطيره

وهذا الحديد إن ما ضربته واهو حار

تاليه يصعَب لو إيدينك خبيره

نستعجل الترميم في ساحة الدار

وما ظِن تأخير الوطن فيه خِيره

* وضّاح