صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 5034

رئيس التحرير خالد هلال المطيري

درايش: عودة الذيب الرمادي

  • 12-01-2022

ما يرد الذيب يم ذيچ المنازل

إلّا إن كانوا أهَلْها مسامحينه

وإلّا شاف الخوف فوق الدار نازل

وجاهلين الناس بأطماعه الدفينه

راح وقت وفيه كم دارت مغازل

رد يقطع حَبْلنا اللي ناسجينه

كان أكبر مهزله بين المهازل

كان يشري في الذمم وسط المدينه

كان بين المجتمع يبني عوازل

كان شايل ضدهم حقد وضغينه

رَد يتْمسّح على الطوفه ويغازل

طامعٍ هالذيب في صيده سمينه!

وضّاح