درايش: تخفيض التصنيف الائتماني... عيدية للشعب الكويتي!

نشر في 19-07-2021
آخر تحديث 19-07-2021 | 00:18
 وضّاح حتى الطفل إن عايدك في ضحى العيد

ما يقبل تنزّل عياديه دينار

كل مستوى يصعد مع الوقت ويزيد

واذا نزل ما تنفعك كثر الأعذار

وكل دار في چبد السما عيدها عيد

إلا فقط هالدار كل شي منهار!

چن الخطاوي جهْد ما يوصل ابعيد

تحرث مكانك ما تعدّيت أمتار

شلّلي جرى مغلولة النفس والإيد

يا اللي مكانچ فوق عن كل الأقطار

يا در يا لولو وذهب زاهيه الجيد

يا سيّده كانت بخَتْري ونوّار

يا فاتنه من الغيد في مجمل الغيد

كانوا من أنوارچ يعيشون بأنوار

اليوم وإن دار الحچي عِلْچ شيفيد

بعض السوالف تمصخ بزود تكرار

لا حل... لا نقطة ضوا... لا مواعيد

الكل في الغبّات ضايع ومحتار!

وضّاح

back to top