درايش: ترميم

وضّاح

نشر في 08-03-2021

وضّاح

البيت يحتاج بعد العاصفه ترميم

داخل وخارج وجدرانه وبيبانه

ما تنصلح حالته باللزق والترهيم

خوف العواصف ترد واتهز بنيانه

كل الغرَف ضيّقه ما تحتمل تقسيم

وإلا بكثر الحواجز بين سكّانه

والبيت مسفر وساحاته بلا تعتيم

عاده قديمه لكل أهله وخلّانه

وبعض افتعال المواقف يخلق التأزيم

ويصدّع البيت في ساسه وجدرانه

وبعض التهم واهيه ما تستحق تجريم

باجر إذا ينسجن... بيدِين سجّانه!