صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4674

رئيس التحرير خالد هلال المطيري

درايش: الحكمة

  • 19-02-2021

نبي حكمه ترسّينا على مينا

إذا صار الهوا ضارب من الصوبين

نبي الراي السديد يصير هادينا

إذا ويّا الهوا رَك النظر بالعين

إذا المركب تمايَل وانحرف فينا

منو يرفع عضوده ويسند شراعين

نبي نوصل أمان إن كان يمدينا

قبل موج البحر ما يرتفع غاطين

نبي الدستور - بين اثنين- يهدينا

حكَم ينصف بأحكامه على الخصمين

ترى اللي صار واللي فات كافينا

ولا شفنا الغضب أصلح م بين اثنين!

وضّاح