صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4633

رئيس التحرير خالد هلال المطيري

درايش: حِلّوا المجلسين

  • 08-01-2021

بين مُدّه ومدّه... وبين حينٍٍ وحين

نحلم بماي عذْب وطامعين بْنهر

نمشي أيام لكن چنّنا واقفين

في ظلام الصحاري... ونهرنا ما ظهر!

رجّعونا البدايه... وما افهموا للسنين

وإنّه الوقت فرصه والعمر مو دهر

أمّلونا ونطرنا هالليالي تزين

وتالي الحلم ماله غير هَم وسهر

قانعين بأملنا وإلا مو قانعين؟!

هذا هُوْ الصچ واللي فيه كسْر الظهر!

" حَل"؟ ...وأبركها ساعه كلّنا رابحين

حتى لو الحكومه ما تعدّت شهر

"مجلسين" وطلعنا منهم مفلسين

غيّروهم تراهم عيّشونا قهر!