صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4597

رئيس التحرير خالد هلال المطيري

الله بالنور : هَوّنّا!

  • 19-11-2020

ما يمدينا نقول استعدلت أو راح تستعدل الأمور، إلا وطلع خبر أو تصريح يرجّعنا "قَريْ" ويخلينا ندخل في نفس الكآبة واليأس.

يعني معقولة خبر مثل هذا صحيح في بلد صغير مثل الكويت:

9 جرائم فساد

9 مخالفات مالية

3 قضايا جديدة، تحريك دعوى جزائية ضد أشخاص وأخرى تزوير أيضاً باستهداف المال العام؟.

هذه نزاهة فقط، غير اللي حاصل في المخافر وفي النيابة العامة وغيرها من القنوات.

في أقل من شهر عندك هذا العدد وهذه النوعية من البلاغات عن جرائم، يعني بعد ١١ شهراً إذا البلاغات على نفس المنوال، المحصلة راح تكون حرمنة وبوق وتزوير وفساد كل يوم عمل... من صجكّم؟

◦ كل هاللي يصير في ديرة صغيرة وعدد سكانها محدود، والمساجد تارسة الديرة الله يزيد ويبارك وكل من يدّعي الأمانة والصدق والخلق وبعدين.

◦ شوف هالمآسي!

تكفون لا تنشرون شي، متنا من القهر والكآبة.

خَلونا على عمانا أرحم، لأن الشكوى لغير الله مذلّة.