صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4469

رئيس التحرير خالد هلال المطيري

درايش..الكتابة في زمن الكورونا: عندي ملل/ عندي أمل

  • 15-05-2020

ملّيت كل معنى انكتب في قصيده

وكل "البيوت الدارسه" يوم تنعاد

وأخبار في الشاشات وإلّا الجريده

والشر ويّا الخير... مدري منو ساد!

والشوق كلّه والنهايه السعيده

وختم الروايه ينتهي ببيت وأولاد

وملّيت من فرْق الذهب والحديده

وانجوم وإلّا شموس ما تطلع جداد

وملّيت من نفسي وكلامٍ أعيده

وبعض الحچي ماله طعَم كل ما زاد

مو من "حجر"... لأن "الحجر" أستزيده

والروح في العزله مثل زيت وقّاد

لكن لأن شموسنا مو جديده

مستعمله، والصبح مثل المسا عاد

وبعض الملل... يحيي العزوم الشديده

ومن الملل يولد أمل يجدح زناد