درايش / الكتابة في زمن الكورونا: تجّار الأزمات والكوارث!

نشر في 30-03-2020
آخر تحديث 30-03-2020 | 00:18
 وضّاح الناس في وقت المصايب يحنّون

وربعٍ لنا وقت المصايب ذيابه

هذا نهَش بضلوعها وذاك بمتون

وهذاك يشحذ في دجى الليل نابه

يالله عسى في سعْيُكم ما تهنّون

وكل من طُمَع يلقى الشقا بْما سعى به

ما عِم... أخص اللي شكا وقال مديون

چذّاب كل قصده يدوبِل حسابه

مليار... مو مليار أو چم مليون

لكن شِقَح بأرقامْ حضرة جنابه

واللي رفَع سعره (واهو بالسعر دون)

وقت الكوارث شدّدوا في حسابه

المستغِل چِنّه لداره ترى يخون

وچِنّه يتاجر في هله والقرابه!

مثل الغزو يوم ابْتلشْنا بمجنون

وفي الدار چم ملعون طار بزهابه!

back to top