صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4360

رئيس التحرير خالد هلال المطيري

القيادة في شوارعنا...قلة أدب!!

  • 27-01-2020

صورة الأخلاق تبدا من "المرور"

تقرا طبع "المجتمع" شنهو مساره

شوف لا سافرت... هو أول شعور

"المرور" تلاحظه ببدء الزياره

والله خير بدارنا كلٍّ يفور

فورة البركان يطبخ بالحراره

الشوارع ملك أبوهم في غرور

وچنّه عيب إللي يوقّف "للإشاره"!!

يدعمونك لو تهدّي للعبور

وتشتغل هِرْنات في ميتين حاره

وطايش "إيْبَتْوِن" وراسه راس ثور

مزخرف الوانيت غاطس بالغَماره

دَرْعَم وحنا على الدوّار دور

وإن نهيته سمّعك أقسى عباره

لا ذرابه لا مهابه للمرور

و"المرور" يعلّمك شكل "الإداره"!