درايش : الجمال... وطنيّة

نشر في 13-01-2020
آخر تحديث 13-01-2020 | 00:19
 وضّاح الجميل... بداخله روحٍ جميله

ولاكتمال الصوره... ما يرضى الخطا

والجمال يبان في ميّة وسيله

مثل عطر يفوح لو فوقه غطا

مستحيل يكون في النفس البخيله

إللي ما تقدر على بذْل وعطا

ومستحيل يكون في النفس الذليله

عاشقه السرداب تبّاعة خطى

ومن يحب الفن والنسمه العليله

هذا ما عمره على الشبهه وطا

ومن يرنّ اللحن في راسه ويميله

أنظف الأصحاب... في نوره سطا

ومن يحب "تشكيل" لو ما تشتكي له

صار لك في دنيتك فرش وغطا

مستحيل "العنصري" يملك فضيله

ومستحيل "الطائفي"... مهما خطا

النفوس اللي بمشاعرها هزيله

ما تداوي الجرح لو جرحك بطا

يا ديارٍ في قصايدنا جزيله

ميّزي بالناس من صح وخطا!

back to top