صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4329

رئيس التحرير خالد هلال المطيري

في المجرى الضيّق للنهر والكتابة

  • 09-12-2019

شاعر يشوف الماي غادَر عذاري

وشللي يرد الماي لا غادر العين

ويحس في قلبه جفاف الصحاري

من عقب ما كانت إيدينه بساتين

طالت ولا للغيم بانت محاري

ولا عذاري ترد تسقي القريبين

يا وحشة الليل امتلا بالضواري

يا ضو نار ولمعة عيون ذيبين

قطرات... إن مر الأمل يوم ساري

بسمات... في وجه وخيال البعدين

ويْهِل طيف وينعكس في الخباري

شاعر رسَم في راحة الكف نهرين

امن الملل يحفر ضلوعه عصاري

وفجأة يزم الماي زم...زم... بكفين

الروح ردّت والحنايا غداري

والبرق يلمع صار في محجر العين