صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4249

رئيس التحرير خالد هلال المطيري

درايش : سؤال برلماني سخيف!

  • 04-10-2019

إن كنت تسأل عن "التمثال"

عندك تماثيل منصوبه!

كم شخص يكثر عليه اجدال

تحميه، محّد يجي صوبه!

وتمثال "سوبر" مشى يختال

"ممنوع" تلمس طَرَف ثوبه!

ومسؤول جال ببلدنا وصال

ما شفنا تسأل ولا نوبه!

مرّت قضايا عراض طوال

وأكثر قضاياك مضروبه

الدار خزنه بلا أموال

انظر حواليك منهوبه

والدار دارت عليها أحوال

أنفاسنا اليوم محسوبه!

"ممنوع" لا تشتكون الحال

لو كانت النفس معطوبه

اسأل عن اللي زمنهم طال

في "الغربه" والشمس محجوبه

نسيت ربعك ولا في البال

أو معلن الصفح والتوبه؟!

من كل حيدٍ شبيه اجبال

نظيف ما دنّس جيوبه

كل يوم ثاير علينا إشكال

عندك موازين مقلوبه

من هد حِمْله ورفض ما شال

لا يبْلش الناس بذنوبه

وفكرٍ تكوّن من الصلصال

أخطر صنم... بان عذروبه