درايش : شوارع مغشوشة!

مرّت شهور وليالي

يوم مطرتنا القديمه

والشوارع- هذي حال أهل الشوارع

قشّروها وكسّروها

بس بالتالي نسوها

وما دَرَت فينا جنان!

غشّوا "الخلطات" صار الفرق في جيب المقاول

زوّروا عقد الصيانه

واقبضوا رشوات "سين وصاد" في مبنى الوزاره

دور أرضي، دور أول، دور ثاني، وكل مكان.

اتْهقى تدري جنان؟!

خلطة"الإسفلت" مغشوشه وذممهم تشبه الإسفلت هذا

وماكو أحَد راح النيابه

مرّت الغيمه ومعاها مرّت البوقه بأمان!

ليمتى ننطر جنان؟!

كالرمل... حرب الفساد

وكالرمل... وعد الوزاره

والرمل... صبر الحيارى

والحصى... ضرب الحقايق في عيونك

للّي شفته وما فهمته

وللّي ما شفته ويطلع ينكشف لك

بس لى مر الزمان!!