نِسَخ متشابهة

نشر في 27-08-2018
آخر تحديث 27-08-2018 | 00:19
 وضّاح ش هالمجتمع؟!

كلّه نسخ متشابهه

نفس الفكر، نفس الصوَر

نفس السوالف واحده.

ديوان واحد چنهم

لو المناطق تختلف

وإلا السكيك ادروبها عن بعْضها متباعده.

"واتساب" واحد ينتشر

يتْداولونه بينهم كالعايله

واللي نشر عنده غرَض

بس الجهل يملك أصابع ضاغطه ويساعده!

كانوا جماهير انْتمت لحظة زمن "معارضه"

واللي سرَق... "معارضه"!

واللي اختلس... "معارضه"!

وحتى الخبل... "معارضه"!

و"مندس" في ظل "البطل"... "معارضه"!

واليوم من أجل الوطن جبهه لطيفه وصامته

تشكر خواتيم الأمور وحامده!

إذا الأساسات انْبَنَت فوق انهيالات الرمل/ فوق التبن

لا تلوم إن هب الهوا: ليش القصور العاليه وبيبانها.... مو صامده؟!!!

back to top