سداسيات حتى طيارات الشيوخ!

نشر في 16-07-2008
آخر تحديث 16-07-2008 | 00:00
 نايف الأزيمع الخطوط اللي نغني باسمها فوق السحاب

صارت الرمز البريدي للفساد وللخراب

مهزله واحلف ثلاث ايمان والله مهزله

ومضحكه صرنا لكل الناس وين المرجله

دبرونا يا وجيه الخير حلوا المسأله

دام طيارات الشيوخ معطله وين الحساب

***

يا ابو فيصل لاتحلطم واذكر الله واستخير

فالج ما له معالج ديرتك داها خطير

بانتظار المهدي الموعود حلاّل الأمور

وكل سلبيات الظواهر تختفي بين القبور

وينتهي ليل الظلام وتشرق الدنيا بنور

ويا صفيّه * لحفيني ما حد ظني يطق الباب

ـــــــــــــــــــــــــــــــــــــــــــــــــــــــــــــــــــــــــــــــــــــــ

* عندما يئس الزعيم سعد زغلول قال: «غطيني يا صفيّه...»!!

back to top