وظيفة

نشر في 29-10-2010
آخر تحديث 29-10-2010 | 00:00
 زايد الرويس وآخرتها! يا السنين السمر, وأيامي منافي

غربتي في وحدتي في صمتي الساكن رفيفة

وين أروح؟ وكل دربٍ ما يجيب الا التجافي

كيف أروح؟ وهـ الطريق يضيق بـ أقدامي رصيفه

أجمع أحلامي, وتجمعني, وتنثرني خلافي

والرجوع: الموت... والخطوات في عيني كفيفة

أكثري ما عاد يعنيني, ولا همه جفافي

والقليل اللي بقى لي ما تكفيه النصيفة

كل ما مديت رجليني تطاولني لحافي

والشتا يقتات مني ما يكفيه لـــ خريفه

قلت وأقدام أربعيني مقبلة يمي: عوافي

ما وراك ألا ضلوعٍ من مواجعها نحيفة

آخرتها معك... أحاول بيني وبيني اكتشافي

يمكن ألقاني بــ صورة ثانية... حلوة... طريفة

والأكيد... إني قضيت العمر, وأيامه منافي

وطار عصفور الحياة... وصارت الغربة: وظيفة

back to top