صدر العدد الأول بتاريخ 2 يونيو 2007

رئيس التحرير خالد هلال المطيري

العدد: 4172

رئيس التحرير خالد هلال المطيري

برامجهم أيام الترشيح وينها؟!

  • 26-04-2019

قالوا في الترشيح مجموعة قضايا

وما وفوا في وعودهم لو في قضيّه!

ناسْ تنسى وناسْ تحسن في النوايا

ومن نسى لا يشتكي الحال الرديّه

قالوا في “التجنيس” في ظلم وضحايا

وما استردوا حق مظلوم وضحيّه

وقالوا “قانون العفو”ركْن وزوايا

ومايزال “البيت” حاله الأوليّه

قلنا وإن كان الزعل جمر الحنايا

النفوس الحاميه فيها احْميّه

تدري إن “البيت” لا حامت منايا

كلنا كالسور ونذود المنيّه

مرجعك دستور، منّاح العطايا

من مسيرة شعْب، مو منحه وهديّه

لا ترجّى بمجلسك دفع البلايا

ما أظن “بو صوت” عنده يوم نيّه!

وإذا تم “الحل”... ذي أحلى الهدايا

وش قبضنا غير بوقات وأذيّه؟!